|
2008-12-17
Дэлхийн хамгийн том талстыг үзээд үхэх магадлал
Эвлүүлэг биш шүү, залуусаа. Дэлхийд хамгийн том кристалл талстууд бүхий агуйг саяхан, 2000 онд нээжээ.
"Cueva de los Cristales" буюу "Талстын агуй" нь Мексик Улсын Наива уурхайн гүнээс санамсаргүй байдлаар олджээ. Наива уурхай нь улсынхаа экспортын хэрэгцээнд жил бүр мөнгө, хар тугалгыг тонн тонноор нь нийлүүлдэг юм. Мөнгө хэмээх үнэт металлыг үүсгэгч элементүүд нь талст болон үнэт чулууг мөн үүсгэдэг учраас өмнө нь ч энэхүү уурхайд ихээхэн хэмжээний талстууд бүхий хөндий орон зай үе үе олддог байжээ. Гэтэл тэр нэгэн өдөр ах дүү хоёр уурхайчин гүний өрөмдлөг хийж байхдаа аварга том талстуудыг харсан нь урьд өмнө үзсэн харсантай дүйцэж ч, дөхөж очихооргүй байлаа.
Ихэнхи уурхай, агуйд агаарын хэм бага, хүйтэн сэрүүн байдаг хэдий ч Талстын агуй нь газрын гүнийн халуун хайлмаг магмын давхаргаас ердөө л 1.5 км зайнд оршдог тул энд хүн тэсвэрлэхийн аргагүй халуун, бүгчим байдаг ажээ.
Энэ зургаас уншигч Та Талстын агуйд 20 минут зугаалаад ирсэн жуулчин, аялагч, судлаачдыг харж байна. Тэд тусгай хувцас хэрэглэл, хүчилтөрөгчийн баг бүхий бэлтгэлтэй байдаг хэдий ч Талстын агуйд 20 минутаас хэтэрвэл дулааны цохилтонд орж амь насаа алдах эрсдэлтэй. Агуйд орохдоо өмсдөг тусгай хувцас нь маш олон халаастай бөгөөд халаас бүрд мөстэй уут байрлуулна. Агуйн агаарын чийгшил 90-100%. Хуурай уур амьсгалд амьдардаг Монголчууд бид үүнийг төсөөлж ч чадахгүй. Хамгийн урт настай талст нь 600,000 жилийн өмнө үүсчээ. Эрдэмтэд 30,000 жилийн настай нэг талст дотроос олдсон усны дусал мэтийг судлаад тэр үед Мексикийн энэ цөлд битүү ой мод ургаж байсныг тогтоов. Судалгаа дөнгөж өрнөж байгаа хэдий ч талст хулгайлагчид, уурхайн эзэд, экспортлогчид зэрэг үй олон аюул энэ үлгэрийн орчинд заналхийлж байна.
National Geographic сэтгүүлийн 2008 оны 11-р сарын дугаар, "Cave of Crystal Giants" нийтлэл.
|
| .
Сэтгэгдэл бичих! .
Найздаа илгээх! . Уншсан: 811 удаа
|
Сэтгэгдлүүд
|
Бичсэн: flower (зочин) 
2009-01-08 -