За шалгалтуудаа өгч дуусав. Энэ семестрт хичээл хийж гавиагүй ч маш амжилттай дүн үзүүлэв. Нэгэнт хоёр дүүгийнхээ хоолноос хороож олон зуун мянгаар сурч байгаа юм чинь хичээсэн л дээ. Шалгалт гэдэг бас л том дарамт юм. Хөөрхий өдрийн ангийн оюутнууд яаж зовдог бол. Бас төлбөр нэхээд захирал, сургалтын албаныхан яг мангас шиг болчих юм. Дараагийн семестрийн төлбөрөө хийгээгүй ч амжилттай сурч байгаадаа хөөрөн баярлан зун гэхэд энэ курсээ дүүргээд сайхан зуныхаа ажилдаа гарна гэж мөрөөдөөд л... Яг одоо Обама ахын ёслол ТВ-р гарч байна. Обама-д дэлхий даяараа ихээхэн найдлага тавиад шүтэн биширч мөргөн залбираад л. Хөөрхий Afro-American яаж энэ их хариуцлагыг үүрнэ дээ. Түүнийг би өрөвдөөд л. Өрөвдөхийн зэрэгцээ Обама ах миний хувьд яг л Өвлийн өвгөн шиг. За, Обама ах аа, та тэгэхээр байна шүү дээ, надад ийм жагсаалт байна, бүгдийг нь биелүүлээрэй!
-2010 он гарахад би МУИС-н энэ оройн ангиа төгсмөөр байна /төлбөр нтр-ээс болж дундаас нь гармааргүй байна/,
- хоёр дүү маань мэргэжлээ сонгож чаддаггүй, тэр хоёрт заавал туслаад 2010 оны хавар амжилттай ЕШ өгүүлээд нэг нэг ИС-д оруулаад өгөөрэй,
- Жижиг сажиг хүсэл биелүүлнэ гэвэл PC-ний RAM-г маань нэмүүлж өгөөд оригинал батарей цэнэглэгч авчраарай, тэгэхгүй бол утасгүй хулгана батарейг ховх сордог лайтай, та ч бараг мэднэ биз дээ Барак Обама гуай,
- Таны үнэнч туслах Natalie гэгч эмэгтэй насаараа мөрөөдсөн зургийн аппаратыг маань явуулсан гэсэн тэр авчирч байгаа онгоцыг нь яаруулаарай даа, тэсэхгүй нь,
-Морь тэмээ унахад аятайхныг нь тааруулаад байгаарай, булгиулаад ноднин нуруугаа хугалах шахсан шүү,
-за тэгээд хоёр дүүг маань өлсгөхгүй л байлгаж үзээрэй, тэгэхгүй бол нэгийгээ үзэж нэхий дээлээ... за за тоглосон юм
-Орох оронтой болгож өгч чадахгүй л биз?
За АНУ-ын шинэ ерөнхийлөгчид амжилт хүсээд хүслээ шивнэлээ...