Манай ангид сурч байгаад 2004 онд Төв аймагт шилжин суралцсан шавь маань өнөөдөр Солонгосоос утсаар ярив. Нягт нямбай, сурлага сайтай хүү амьдралын шаардлагаар Солонгос явж ажилласан нь тодорхой. National Geographic сэтгүүлд АНУ-ад ажиллаж амьдрахын тулд Латин Америкийнхан тэр аяараа зүтгэдэг тухай өгүүлсэн нь монголчуудын Солонгосыг зорихтой утга нэг ажээ. Alex Webb-ийн зургуудыг харахад арьсны өнгөөр биднээс өөр хэдий ч үрчлээ, нүүр хувирал тун ижилхэн хүмүүс таваарын багоноос /ачааны галт тэрэг/ зүүгдэн аз жаргалын диваажин хэмээх Америк орныг зорино. Барих барьцгүй шахуу галт тэрэгний гөлгөр төмрөөс сайн зуурахгүй бол, олон хоног, өдөр шөнөгүй хоёр-гурван улсын хил дамнан бут сөөгөн дунд нуугдан явсан хүмүүс 7 цагийн турш ингэж галт тэргээр аялахдаа ядарч туйлдсандаа хормын төдийд зүүрмэглэвэл Хозэ шиг болно.
Хозэ сайн сайхан амьдралын эрэлд ЭльСальвадорыг орхин одсон ч галт тэрэг түүний хөлийг авчээ. Одоо Хозэ хиймэл хөл хүлээн бугуйвч зүүлтхэн эвлүүлэн ширхэгийг нь 90 цэнтээр борлуулан эмнэлгийн өрөөндөө гунихрана.
Өртөөнийхэн чадах ядахаараа, ядаж л балга усаар тэдэнд туслана. Тэдний зарим нь хүрэх газраа хүрч чадахгүй гар, хөлгүй болж, зарим нь амиа алдана, заримыг нь албадан гаргана, цөөн хэд нь Америкийн хилд хүрэх ч тэнд бүр ч хэцүү шалгуур тэднийг хүлээнэ. Гэсэн ч тэдний араас дараагийн галт тэргээр дахин зуу зуун цагаач ирэх билээ.
Мексикийн өмнөд хил ийнхүү олон хүний хувь заяагаар жишим ч гүй тоглодог ажээ. Экспортын хоригийг үл хайхран Мексикийн хямд бензинийг хил дамнуулан Гватемала улсад зөөх залуус нэг удаа хил гарахад зөрүү мөнгө 6 доллар олдог ажээ.
Төмөр зам дэрлэн унтаж буй хүмүүсийн хэнд нь аз таарч Америкт очихыг бүү мэд. Тооцоогоор бол 1/3 нь Америкийн хилд хүрдэг гэнэ.
National Geographic сэтгүүлийн 2008 оны 2-р сарын дугаар, Cynthia Gorney, зургийг Alex Webb
|
Бичсэн: Ari (зочин) 
Бичсэн: 
heleh ch ug alga
2009-01-24 -