Манай хоёр дүү тоолох насаараа овоо том болсон хэдий ч сэтгэхүй нь яг хүүхдээрээ ч юм шиг, заримдаа надаас илүү хэрсүү ч юм шиг маш сонин шүү...
Ихэр учраас маргалдаж, муудалцах юм бишгүй л гарна, би ч ээлжилж аргадаад л, эрхлүүлээд л, таван салааны амт үзүүлэхдээ бас л ээлжлээд л... Аль болох ялгахгүйг л хичээдэг л дээ. Манай хоёр дүү багадаа дандаа ижил хувцас өмсдөг байсан бол 7-р ангид орох жилээ өөр өөр хувцас өмсөхийг илүү чухалчилдаг болсон. Ээжийн маань хувь нэмэр, мэдээж, нэлээдгүй орсон л доо. Гудамжаар ижил хувцастай явахад хүн бүрийн хараа тусна шүү дээ. Уг нь хоёр ижил бараа авахад надад арай хямдралтай тусдаг тул хэсэгтээ л алмайрч байж билээ...
Энэ зургийг дүү маань сая Шинэ Жилээр зурсан юм. Гэрт хананд скочдоостой л байгаа. Маш их зураг зурна, дуулна, бүжиглэнэ, жүжиглэнэ манай хоёр бурхан. Авьяасыг нь хөгжүүлэх юмсан гэж их л бодох юм, гэвч үнэндээ бид гурав олсон хэдэн мөнгөө зургийн дугуйлан, загварын дамжаа зэрэгт үрэх нь тансаглал мэт санагддаг юм.
За тэгээд хуучин дэвтэртээ хэзээ нэгэн цагт хаа нэгтээгээс тэмдэглэж аваад үе үехэн уншдаг зүйл гэвэл:
ХҮҮХЭД бол харах нүдний цөцгий,
Хайрлах зүрхний тольт,
Хавтгай ясны тасархай билээ.
ГЭВЧ
Аргадах тусам арзайж,
Таалах тусам тонгочиж,
Хүү минь, хүү минь гэхээр
Толгой дээр гардаг амьтан шүү.
ИЙМД
Гэм хэнд байна,
Зэмийг түүнд өг.
ТЭГЭХДЭЭ
Ухаантай хүн үгээрээ,
Ууртай хүн нударгаараа сургадаг юм.
Зодуурын үзүүрт цус,
Залуурын үзүүрт тос гэдэг юмаа.
Ороо морийг уургаар барьдаг шиг
Ууртай хүнийг аргаар сургадаг.
Буруу өсгөсөн хүүхэд
Бухын хүзүүнээс хатуу болоод
Хавиргатай гэдсэнд чинь багтаж байсан хүүхэд
Ханатай гэртээ багтахаа болиод ирэхийн цагт
Ямарч үг хэлээд тусгүй болж,
Оготор сүүлтэй мориор давхихад
Туйлсан болж үзэгддэг шиг,
Үг мэдэхгүй хүнд хэлсэн үг
Уурласан болж сонсогддог юм.
ИЙМД
Хүүхдээ насны нь бага,
Цусны нь шингэнээс
Хайраа дотроо агуулж,
Халаа гаднаа гарган сургагтун!
|
Бичсэн: 
Бичсэн: 
Бичсэн: 
Бичсэн: 
Бичсэн: 
Бичсэн: 
2013-01-23 - хатан зүрх